Page 12 - BOLLETTINO_Aprile 2014

Ü SALT‘N DEL FOSC GOREN-KAHLA, LA DEPORTASSIù DI MINADÜR Góren , öndes de avril del quarantaquater, piena guèra, miseria e dulùr de per töt, ol löc dela festa de Santa Barbara, l’è mai sömeat tat gram , tat bröt , ‘n Campèl, ol löc di padrù e dela paga dela “miniera”, l’è mia ü bèl dé, tace zùen minadür i è stacc rastrelàcc dai todesch, e del sò destino sà mia bé ! Töcc söl camion per la stassiù de Nossa e ’n Germania col treno, i ne ederà assé , i patirà la fam , ol frècc, la pura, ma chèl l’sarà ol meno, ol piö l’é che i sarà ümiliacc , i ederà “la pèl sol técc”, per chi? Per ü mat! Ma ergü g’ l’à facia a scapà , dal camion zó l’è saltàt. Kahla , öndes de avril del quarantasic , ün an precìs l’è ‘ndàcc, chi zuèn de Góren deportacc da minadür adèss i è stacc liberacc; un an de laurà per i nemiss dela libertà, biocc de ogni dirito, ün an de presù, i à pasat ün an de patiméncc, ün an de calvàre, per ergü ün an de passiú. Papà, de töt chèsto tó n’é mai ülit tat parlà e t’l’à dó buna! Ó sait ergóta dela osta presù, ü di löc dela negassiú dela libertà, dela dignità dela persuna, tròp ol dulùr, tròp chèl che to é soportat per cüntala sö, adèss ‘ntire sö e capésse quace, tròp tace scundicc sacrefésse! Italo Serturini per papà Piero e per tutti i deportati dai nazisti nei campi di lavoro 12