Page 33 - In Val del Riso n. 160

Taissine Ol gruppo di Taissine de Góren st’an el festegia dés agn Per sta bèla ocasiù negót i sé fàce mancà amìse e amìs i à ülit envidà E’ töcc i gruppi chè comè lù i tégn en véta sane tradissiù “Zét sensa memòria l’è zét sensa storia” Prim de töt i è ‘ndace en cesa a pregà per i so antenàde che i ‘ndàa a iaissà Sti bràe fómle i è da ringrassià perché impó de la nosta èta i öl regordà Specialmen chèla di nòste mame che per laurà i’ndaa söi piassài de la miniera a taissà Ète düre sóta ol sul, aqua, nif o vént per guadegnà chèl poer pà dür comé i ploch che i gh’ìa de spacà Fenìt zurnada el gh’era i fölì de sistemà E po’ ‘nda stala la aca de guarnà Perché öna ölta as campàa co la minéra e con chèl che gnia sö da la tera Tance ölte chi povre mame per leà sö la faméa el ga tocàa ‘ndà a taissà perché ol sò óm per la pössiera l’era gnit a mancà Se i à mia ést ol paradis chi mame là nóter en gl’à da pensà mia tàt bé Evviva i Taissine de la al Parina e al del Ris unur di nósc pais. Serio Fezzoli (desdot de Setember dùmelasédes) 33